शनिबार, कात्तिक १५, २०७७

नेप्सेमा मंगलबार पनि झिनो अंकको गिरावट

काठमाडौं, भदौ ३० : धितोपत्र बजारमा शेयर कारोबार मापक नेप्से परिसूचक मंगलबार पनि झिनो अंकले ओरालो लागेको छ। 

नेपाल स्टक एक्सचेञ्जका अनुसार नेप्से परिसूचक ४.४७ विन्दुले ओरालो लागेर एक हजार ५३६.०३ विन्दुमा पुगेको छ। यस्तै सेन्सेटिभ परिसूचक १.५९ विन्दुले घटेर ३०४.६५ मा पुगेको छ। कूल १९३ कम्पनीको ६६ लाख ९७ हजार ४९६ कित्ता शेयर दुई अर्ब ११ करोड ९९ लाख ३९ हजार ५५८ रुपैयाँमा खरिद बिक्री भए।  

स्टकका अनुसार कारोबार भएका कूल १२ उपसमूहमध्ये आज तीन उपसमूहको शेयर उकालो लाग्दा नौ उपसमूहको शेयर भने उकालो लागेको छ। होटल ९.२४, जीवन बीमा १७.३३ र सामूहिक लगानी कोष ०.०४ विन्दुले बढेको छ । बैंकिङ तीन, व्यापार १३.७५, विकास बैंक १४.५५, जलविद्युत् ८.१६, वित्त २.५, निर्जीवन बीमा ३.२३, उत्पादन १२.४६, अन्य ७.३९ र लघुवित्त ३.९९ विन्दुले घटेको छ। 

स्टकका अनुसार कारोबारका आधारमा आज पनि पुनर्बीमा कम्पनी शीर्ष स्थानमा रहेको छ। सो कम्पनीले  १३ करोड १३ लाख ८२ हजार ८५० बराबरको कारोबार गरेको छ। यस्तै, नेको इन्सुरेन्स सात करोड २५ लाख ८१ हजार ५५८, नेपाल लाइफ इन्स्योरेन्स कम्पनी सात करोड १७ ५७ हजार ३०८, कुमारी बैंक सात करोड १४ लाख १५ हजार ९९७ र नेपाल बैंक ६ करोड ९३ लाख ५४ हजार ७१३ रूपैयाँ बराबरको कारोबार भई शीर्ष स्थानमा रहेको छ। 

दिव्यश्वरी हाइड्रोपावर १०, एनआरएन लघुवित्त वित्तीय संस्था ९.९२, रिलायन्स लाइफ इन्सुरेन्स ९.८६, खानीखोला हाइड्रोपावर कम्पनी ९.८४, घलेम्दी हाइड्रो ९.५९ र युनियन हाइड्रो पावरका लगानीकर्ताले ८.९७ प्रतिशतले कमाएका छन्। 

यस्तै, माउण्टेन हाइड्रो ४.८५, राधी विद्युत् कम्पनी ४.०२, गोर्खाज फाइनान्स ३.८३, एचआइडिसिएल ३.८२ र एनआइसि एशिया ऋणपत्रका लगानीकर्ताले ३.८१ प्रतिशतले गुमाए। 

 Published Date: Tuesday, 15th September 2020 12:01:00 pm