सुर्खेतमा घाँस काट्ने मेसिनमा करेन्ट लागेर दम्पतीको मृत्यु

सुर्खेत, साउन ९ : सुर्खेतमा घाँस काट्नले मेसिनबाट करेन्ट लागेर दम्पतीको मृत्यु भएको छ।

शुक्रबार बिहान वीरेन्द्रनगर नगरपालिका–१२ नेवारेस्थित आफ्नै घरमा विद्युतीय मेसिनबाट घाँस काटिरहेको अवस्थामा करेन्ट लागेर ५५ वर्षीय धनिराम आचार्य र ५० वर्षीया श्रीमती धनकुमारी उपाध्यायको मृत्यु भएको हो।

मेसिनको तार सर्ट भएर करेन्ट लागेर गम्भीर घाइते भएका उनीहरुलाई उपचारका लागि प्रदेश अस्पताल कालागाउँ लगिएको थियो। ‎त्यहाँ उपचारकै क्रममा उनीहरुको मृत्यु भएको हो।