५ लाख ४० हजार आवेदकले पाए सानिमा लाइफकाे आइपिओ

काठमाडौं, साउन ३० : ५ लाख ४० हजार आवेदकले १० कित्ताका दरले सानिमा लाइफ इन्स्योरेन्स कम्पनीको आइपिओ सेयर पाएका छन्।

कम्पनीले सर्वसाधारणमा बिक्रीमा ल्याएको आइपिओ शनिबार बाँडफाँड गरेको हो। कम्पनीका अनुसार २४ लाख १९ हजार ८ सय ४८ जनाले आइपीओ माग गर्दै आवेदन दिएकोमा २३ लाख ८ हजार १ सय २२ आवेदन योग्य भएका थिए।

आवेदन दिनेमध्ये १७ लाख ६८ हजार १ सय २२ जना आवेदक आइपिओ पाउनबाट वञ्चित भए। आईपीओ बाँडफाँड निर्देशिकाअनुसार गोलाप्रथाबाट न्यूनतम १० कित्ताको दरले सेयर वितरण गरिएको छ।

कम्पनीले साउन २० देखि २४ गतेसम्म आइपिओका लागि आवेदन खुला गरेको थियो।