जनताले नेकपालाई दिएको मतको वैधता सकियो : गगन थापा

काठमाडौं, पुस ५ : नेपाली कांग्रेसका नेता तथा सांसद गगन थापाले प्रधानमन्त्री केपी शर्मा ओलीले संसद विघटनको सिफारिसगरेपछि जनताले नेकपालाई दिएको मतको वैधता सकिएको बताएका छन्।

आइतबार प्रधानमन्त्रीको कदमपछि सामाजिक सञ्जालमार्फत आफ्नो धारणा राख्दै नेता थापाले प्रधानमन्त्रीको पछिल्लो कदमले ३ वर्ष अगाडि जनताले नेकपालाई दिएको मतको वैधता सकिएको बताएका हुन्।

संविधान निर्माण गर्दा ५ वर्ष संसद चल्ने अवस्थाको परिकल्पनासहितको प्रावधान छ।@PM_Nepal ले लहडमा गरेको संसद् विघटनको निर्णय असंवैधानिक र अलोकतान्त्रिक छ।यसको संवैधानिक व्याख्या हुन्छ नै तर जे ब्याख्या भए पनि ३ वर्ष अगाडी जनताले नेकपालाई दिएको मतको वैधता भने यो सिफारिससंगै सकिएको छ।

— Gagan Thapa (@thapagk) December 20, 2020