टेकेन्द्रको प्रेरणादायी यात्रा 

काठमाडाैं, भदाै १६ : हरेक मानिसको इतिहास हुन्छ र त्यो इतिहासभित्र उसको जीवन बाँचेको हुन्छ। यात्रा जिन्दगीको एक सामान्य कथा हो। कथामा जोडिन्छन् उसका जीवनका उतारचढाव, हाँसोखुशी अनि पीडाका स्वर! जीवन भोग्नुपर्ने क्रममा बेहोरेका आँधीहुरी र जीवनको उत्तरारद्धमा बुझेको जीवनका अनुभूतिको संसार।

एउटा फलामे बार ठिंग उभिएको छ बीचमा। त्यही बारका ठूला ठूला प्वालबाट हात सजिलै छिर्छ, मन छिर्छ, आँखा छिर्छ तर छिर्दैन शरीर। छेकिएको छ पूरै देखिने गरी एउटा जिजीविषाले भरिएको मन। डुल्छ सारा गाउँ, बजार, दाजुभाइ, आफ्ना इष्टमित्र, छर छिमेकमा र फर्कन्छ त्यही बारको आड लगाएर रात बिताउन। कागती निचोरेर छोक्रिएझैं बाँकी रहेको रित्तो मन,आशाका मधुरा किरणहरुले डोराएको धुमिल बाटोमा छटपटाएर बाँचिरहेको परित्यक्त जीवन!

नेपाल सुन्दरताले भरिपूर्ण तापनि, सिङ्गो मध्यपश्चिम कयौं सपनाबाट बन्चित छ, कारण थियो भौगोलिक बिकटता। नेपालको मध्यपश्चिमी भेगमा एक युवाको जन्म हुन्छ र सानैदेखि लगनशील अनि वोरपरको अनुभव बटुल्न थाल्छ, लगनशीलता र अनुभवबाट चिनिएका टेकेन्द्रजंग शाही। उनी नेपालका विकट मध्यपश्चिम क्षेत्रका हुन्, जहाँ आधारभूत पूर्वाधारहरूको कमी छ। २०६५ सालमा परिवारसहित कोहलपुर आएपछि, उनले नयाँ वातावरणमा समायोजन गर्न संघर्ष गरे।

टेकेन्द्रले कोहलपुर माध्यमिक विद्यालयमा कक्षा १० सम्मको शिक्षा प्राप्त गरेपछि त्रिभुवन उच्च माध्यमिक विद्यालयमा विज्ञान विषयमा अध्ययन गर्न थाले। कलेजमा अध्ययन गर्दा उनले सामाजिक कार्यमा रुचि देखाउन थाले र सरसफाइ अभियान, सहयोग संकलन जस्ता गतिविधिहरूमा सक्रिय भएर भाग लिए।

सब ईन्जिनियरको अध्ययन पूरा गरेपछि टेकेन्द्र २०७३ सालमा काठमाडौं पसे। काठमाडौंमा पसेपछि उनले कठिनाइको सामना गर्दै धुर्मुस सुन्तली फाउण्डेशनसँगको सहयोगमा विभिन्न सामाजिक परियोजनाहरूमा संलग्न भए। गिरानचौर बस्ती निर्माणमा स्वयंसेवकको रूपमा काम गर्दै उनले सामाजिक काममा आफ्नो योग्यता प्रमाणित गरे।

गौतम बुद्ध क्रिकेट रंगशाला निर्माणमा कोभिड–१९ का कारण ठूलो चुनौती उत्पन्न भयो। आर्थिक समस्याका कारण निर्माण कार्यमा ढिलाइ भयो। टेकेन्द्रले यो कठिन समयमा पनि परियोजनाको रेखदेख गर्न निरन्तर प्रयास गरे। फाउण्डेशनले पछि रंगशाला निर्माणको जिम्मेवारी भरतपुर महानगरपालिकालाई हस्तान्तरण गर्‍यो। परियोजना स्थानान्तरणपछि टेकेन्द्र पुनः राजधानी फर्किए।

टेकेन्द्रले नेपाली गैरआवासीय संघमा काम गरेर महत्वपूर्ण अनुभव प्राप्त गरेका छन्। संघको गतिविधिहरूमा संलग्न हुँदै उनले नेपाली समुदायको सशक्तिकरण र परामर्शमा योगदान पुर्याएका छन्। 

संघमा काम गर्दा उनले विभिन्न परियोजनाहरू र कार्यक्रमहरूलाई समन्वय गर्दै प्रोजेक्ट व्यवस्थापन र सामुदायिक सेवा सम्बन्धी गहिरो ज्ञान र अनुभव अर्जन गरेका छन्। गैरआवासीय संघमा बिताएको समयले उनलाई सामुदायिक कामको मूल्य र प्रभाव बुझ्नमा मद्दत गरेको छ। जसले भविष्यमा पनि उनीलाई प्रभावशाली भूमिकामा उभिन प्रेरित गरेको छ।

सानैदेखि फिल्म हेरेर प्रेरित भएका उनले फिल्म क्षेत्रमा गहिरो रुचि राख्दै काम गर्ने चाहना व्यक्त गरेका छन्। यसै क्षेत्रमा अभिनयको अनुभव प्राप्त गरिसकेका उनी आफ्नो करियरलाई सफल बनाउनका लागि फिल्म क्षेत्रमा समर्पित रूपमा काम गरिरहेका छन्।

टेकेन्द्रले आफ्नो सामाजिक काम र प्रविधि क्षेत्रमा प्राप्त अनुभव र सीपलाई सदुपयोग गर्दै, रोजगारीको खोजीमा कठिनाइको सामना गर्नुपरेन। उनले सामाजिक काममा समर्पण र योगदान गरेर आफ्नो क्षमता प्रमाणित गरे।

टेकेन्द्रको यात्रा र समर्पणले उनीलाई समाजको योगदानकर्ता र प्रेरणाका स्रोतको रूपमा उभ्याएको छ। उनले आफ्नो कार्यदक्षता र सामाजिक उत्तरदायित्वलाई सँगसँगै अघि बढाउँदै, धेरैलाई प्रेरित गर्न सफल भएका छन्।