एकैदिन नौ सय रुपैयाँले बढ्यो सुनको मूल्य
काठमाडौं, असोज ६ : नेपाली बजारमा आज सुनको मूल्य नौ सय रुपैयाँले बढेको छ। छापावाल सुन मङ्गलबार ८९ हजार दुई सय रुपैयाँमा कारोबार भएको थियो।...काठमाडौं, असोज ६ : नेपाली बजारमा आज सुनको मूल्य नौ सय रुपैयाँले बढेको छ।
छापावाल सुन मङ्गलबार ८९ हजार दुई सय रुपैयाँमा कारोबार भएको थियो। नेपाल सुनचाँदी व्यवसायी महासङ्घले सार्वजनिक गरेको तथ्याङ्कानुसार आज छापावाल सुनको मूल्य ९० हजार एक सय रुपैयाँ तोकिएको छ।
त्यस्तै आज तेजाबी सुनको मूल्य प्रतितोला रु ८९ हजार ६५० कायम गरिएको छ। तेजाबी सुन मङ्गलबार प्रतितोला रु ८८ हजार ७५० मा कारोबार भएको थियो।
महासङ्घका अनुसार चाँदीको मूल्य मङ्गलबारका तुलनामा आज प्रतितोला २५ रुपैयाँले बढेको छ। चाँदी मङ्गलबार प्रतितोला रु एक हजार १४० मा कारोबार भएको थियो। चाँदीको मूल्य आज प्रतितोला रु एक हजार १६५ तोकिएको छ।
अन्तरराष्ट्रिय बजारमा आज सुन प्रतिऔँस एक हजार ७७७ दशमलव ५४ अमेरिकी डलरमा कारोबार भइरहेको छ जुन समयसमय परिवर्तन भइरहन्छ।
प्रकाशित मिति: ११:४८ बजे, बुधबार, असोज ६, २०७८
प्रतिक्रिया दिनुहोस्
थप समाचार
रुन्देहीको रोहिणी खोला किनारमा पेट्रोलियम भण्डारण गृह निर्माण प्रक्रिया अघि बढ्योबुधबार, वैशाख ५, २०८१
‘निजी क्षेत्रसँगको सहकार्यबाट अर्थतन्त्र गतिशील हुन्छ’मंगलबार, वैशाख ४, २०८१
शाक्यलाई बोर्डमा निमित्त अध्यक्षको जिम्मेवारीमंगलबार, वैशाख ४, २०८१
नेप्से परिसूचक आज पनि ओरालो लाग्योमंगलबार, वैशाख ४, २०८१