पोखरामा शुक्रबारदेखि शैक्षिक संस्था खोल्न पाइने, रात्रिकालीन व्यवसायहरू पनि खुले
काठमाडौं, भदौ ३० : पोखरामा शुक्रबारदेखि भौतिक रूपमै शैक्षिक संस्थाहरू खुल्ने भएका छन् ।जिल्ला प्रशासन कार्यालयले आज एक विज्ञप्तिमार्फत भोलिदेखि स्थानीय तहसँगको समन्वयमा...काठमाडौं, भदौ ३० : पोखरामा शुक्रबारदेखि भौतिक रूपमै शैक्षिक संस्थाहरू खुल्ने भएका छन् ।
जिल्ला प्रशासन कार्यालयले आज एक विज्ञप्तिमार्फत शुक्रबारदेखि स्थानीय तहसँगको समन्वयमा भौतिक उपस्थितिमा पठनपाठन गर्न सकिने जनाएको हो ।
यद्यपी, सबै प्रकारका शैक्षिक संस्था, प्रशिक्षण केन्द्रहरू शिक्षा, विज्ञान तथा प्रविधि मन्त्रालयद्वारा प्रकाशित कोभिड १९ संक्रमणको अवस्थामा शैक्षिक संस्था सञ्चालन गर्दा अपनाउनु पर्ने कार्यविधि अनुसार स्थानीय तहसँगको समन्वय गर्नुपर्ने प्रशासनको भनाइ छ ।
कोरोनाको जोखिम घट्दै गएपछि शुक्रबार ८ बजेदेखि लागु हुनेगरी प्रशासनले अन्य क्षेत्र पनि खुकुलो पारेको हो ।
अब पोखरामा होटल तथा रेस्टुरेन्टहरू स्वास्थ्य मापदण्ड अपनाएर राति साढे ११ बजेसम्म सञ्चालन गर्न पाइनेछ भने नाचघर, क्लब, डान्सबार, दोहोरीसाँझ जस्ता रात्रीकालीन व्यवसायहरू पनि राति साढे १ बजेसम्म सञ्चालन गर्न सकिनेछ ।