१२ जिल्लामा प्रजिअ फेरिए, चार जनालाई मन्त्रालय तानियो (सूचीसहित) 

काठमाडौं, भदौ ३० : सरकारले १२ जिल्लाका प्रमुख जिल्ला अधिकारी (प्रजिअ) सरुवा गरेको छ । बुधबार गृह मन्त्रालयले १२ जनालाई जिल्लाहरुमा सरुवा गरेको हो भने चार  जनालाई मन्त्रालयमा तानेको हो ।

मन्त्रालयका अनुसार मन्त्रालयको आन्तरिक व्यवस्थापन महाशाखा प्रमुख रहेका घनश्याम उपाध्यायलाई ललितपुरको प्रजिअ बनाएर पठाइएको छ । यस्तै गुल्मीमामा प्रजिअ रहेका रुद्र शर्मालाई भक्तपुर पठाइएको छ ।

पुण्यविक्रम पौडेललाई गुल्मी, शंकर अर्याललाई गोरखा, काशिराज दाहाललाई मोरङ लगिएको छ । दिपक पहाडीलाई रामेछाप, नुरहरि खतिवडालाई संखुवासभा पठाइएको छ ।

आश्मान तामाङलाई चितवन, कृष्णा लम्साललाई धादिङ, विरेन्द्र यादवलाई उदयपुर र ऋषि तिवारीलाई रुपन्देही सरुवा गएिको छ ।

यस्तै, कोषहरि निरौला, टेकनारायण पौडेल, दुण्डीराज निरौला र बासुदेव घिमिरेलाई मन्त्रालयमा तानिएको छ । 


 

 Published Date: Wednesday, 15th September 2021 6:51:00 pm