Kathmandu Press

एमालेको निरन्तर अवरोधपछि प्रतिनिधिसभा बैठक मंगलबारसम्मका लागि स्थगित

एमाले सांसदहरूको निरन्तर अवरोधपछि प्रतिनिधिसभाको बैठक मंगलबारसम्मका लागि स्थगित भएको छ ।
एमालेको निरन्तर अवरोधपछि प्रतिनिधिसभा बैठक मंगलबारसम्मका लागि स्थगित

काठमाडौं, भदौ २७ : एमाले सांसदहरूको निरन्तर अवरोधपछि प्रतिनिधिसभाको बैठक मंगलबारसम्मका लागि स्थगित भएको छ ।

आइतबार दिउँसो १ बजे सुरु भएको बैठक एमाले सांसदहरूले नाराबाजी गर्दै अवरुद्ध बनाएका थिए । त्यसपछि १५ मिनट स्थगित भएर पुनः सुरु भएको बैठक पनि एमाले सांसदले अवरुद्ध गरेपछि सभामुख अग्निप्रसाद सापकोटाले मंगलबार दिउँसो १ बजेसम्मका लागि स्थगित गरिएको बताएका हुन् ।

दोस्रो बैठक सुरु हुनुअघि सभामुख सापकोटाले एमाले संसदीय दलका प्रमुख सचेतक विशाल भट्टराई, सचेतक शान्ता चौधरीलगायतसँग वार्ता गरेका थिए । तर, त्यसबाट बैठक अगाडि बढाउनेबारे कुनै ठोस निष्कर्ष निस्किन सकेको थिएन ।

दोस्रो बैठकमा पनि सभामुख सापकोटाले संवादमा आउन एमाले सांसदहरूलाई आग्रह गरेका थिए ।

प्रकाशित मिति: १५:०५ बजे, आइतबार, भदौ २७, २०७८
NTCNTC
Globle IME bankGloble IME bank
प्रतिक्रिया दिनुहोस्