पर्सा, साउन १५ : अवैध रुपमा भित्रिएका तथा कागजपत्र नभएका भारतीय नम्बर प्लेटका १० वटा मोटरसाइकल प्रहरीले नियन्त्रणमा लिई भन्सार बुझाएको छ।
विभिन्न मितिमा जिल्ला प्रहरी कार्यालय पर्सा र मातहतबाट समेत खटिएको प्रहरीले टोलीले विभिन्न स्थानबाट बेवारिसे अवस्थामा फेला पारी ती मोटरसाइकल नियन्त्रणमा लिएको थियो।
नियन्त्रणमा लिइएका मोटरसाइकललाई आवश्यक कारवाहीको लागि वीरगंज भंसार कार्यालयमा बुझाइएको जिल्ला प्रहरी कार्यालय पर्साले जनाएको छ।
