काठमाडौं, साउन ८ : जसपा विवादमा अन्तिम निर्णय लिन निर्वाचन आयोगले गर्न लागेको सनाखतविरुद्ध अध्यक्ष महन्थ ठाकुर पक्षले सर्वोच्च अदालतमा रिट दायर गरेको छ ।
दुई पक्षबीच विवाद किनारा लगाउन आयोगले ११ साउनमा केन्द्रीय कार्यकारिणी समितिका सदस्यहरूको सनाखत गर्ने निर्णय गरेको छ । केन्द्रीय कार्यकारिणीमा आफ्नो ४० प्रतिशत नपुग्ने देखेपछि ठाकुर पक्षले अदालतमार्फत सनाखत रोक्ने उद्देश्यले रिट दायर गरेको हो ।
जसपा अध्यक्ष उपेन्द्र यादव पक्षले पार्टीको आधिकारिकता पाउने लगभग निश्चित छ । ठाकुर पक्षले ४० प्रतिशत पनि पु¥याउन नसक्दा अर्कै पार्टी गठन गर्नुपर्ने अवस्था छ ।
पार्टीभित्र आफ्नो हैसियत देखिने भएपछि त्यसलाई रोक्ने प्रयासमा ठाकुर पक्ष लागेको हो । उक्त पक्षका तर्फबाट प्रदीप पाठकले रिट दायर गरेका हुन् ।
सिफारिस गरिएको
