नयाँदिल्ली, असार ४ : १३ वर्षयताकै सर्वाधिक अंक पार गर्दै स्विस बैंकमा भारतीय नागरिकहरूको पुँजी २० हजार करोड भारतीय रुपैयाँ पार गरेको छ ।
स्विस बैंकमा भारतीय नागरि र फर्महरूले सन् २०२० मा ठूलो परिमाणमा रकम जम्मा गरेका छन् । यस्तो रकम भारतस्थित स्विस बैंकका शाखाहरू र वित्तीय संस्थाहरूबाट पनि पठाइएको छ ।
स्विजरल्यान्डको केन्द्रीय बैंकले बिहीबार आफ्नो वार्षिक तथ्यांक सार्वजनिक गरेको हो । सरकारी समाचार एजेन्सी पीटीआईले कुल २० हजार सात सय करोड भारतीय रुपैयाँ स्विस बैंकमा जम्मा भएको देखिएको उल्लेख गरेको छ ।
सन् २०१९ मा स्विस बैंकहरूमा भारतीय नागरिकले ६ हजार ६ सय २५ करोड भारु जम्मा गरेका थिए ।
