तोलामा ९० हजारभन्दा माथि पुग्याे सुनको मूल्य

काठमाडौं, वैशाख ३ : नेपाली बजारमा सुनको मूल्य पुनः वृद्धि भएको छ। सुनको मूल्य ४२ दिनपछि तोलामा पुनः ९० हजार रुपैयाँ भन्दा माथि पुगेको छ नेपाल सुनचाँदी व्यवसायी महासंघले जानकारी दिएको छ । 

शुक्रबारका लागि छापावाल सुनको मूल्य प्रतितोला ९० हजार पाँच सय रुपैयाँ कायम भएको छ। जुन अघिल्लो कारोबार दिनको तुलनामा तोलामा सात सय रुपैयाँले बढी हो।

शुक्रबारको सुनको मूल्य गत फागुन ११ गते यताकै सबैभन्दा धेरै भएको महासंघले जनाएको छ। आजका लागि महासंघले तेजावी सुनको मूल्य ९० हजार रुपैयाँ तोकेको छ।

यस्तै चाँदीको मूल्य प्रतितोला १० रुपैयाँले बढेर एक हजार तीन सय रुपैयाँ पुगेको छ। बिहीबार चाँदी एक हजार दुई सय ९० रुपैयाँमा कारोबार भएको थियो।