सुशान्तको मृत्युपछि रियाको करियरमा धक्का, फिल्मको पोस्टरबाट तस्बिर गायव
काठमाडौं, फागुन २२ : बलिउड अभिनेत्री रिया चक्रवर्तीलाई एक समय बलिउडको उदाउँदो स्टारको रुपमा हेरिएको थियो ।सोनाली केबलमा सानदार अभिनय गरेकी रियाले सबैको...काठमाडौं, फागुन २२ : बलिउड अभिनेत्री रिया चक्रवर्तीलाई एक समय बलिउडको उदाउँदो स्टारको रुपमा हेरिएको थियो ।
सोनाली केबलमा सानदार अभिनय गरेकी रियाले सबैको मन पहिलो फिल्मबाट नै जितेकी थिइन् । तर, अचानक जुन १४ मा अभिनेता सुशान्त सिंह राजपूतको आत्महत्याले उनको जिवननै परिवर्तन गरायो ।
सुशान्तको प्रेमिका समेत रहेकी रियालाई सुशान्तको हत्याको आरोप लाग्यो । उनीविरुद्ध हत्याको आरोपसँगै लागुऔषध दुव्र्यसनीको समेत मुद्दा लाग्यो । उनी जेल गइन् । उनी लामो समय सामाजिक सञ्जाल र फिल्म क्षेत्रबाट टाढा रहिन् ।
भारतीय सञ्चार माध्यमका अनुसार बलिउडमा भर्खरै उदाएकी अभिनेत्री रिया चक्रवर्तीको करियरमा धक्का लागेको छ ।
फिल्ममा तोकिएको भूमिकाबाट रियालाई हटाइएको छ । उनी जुन भूमिकामा देखिने तय भएको थियो त्यसबाट हटाएर उनलाई अर्कै भूमिकामा अनुबन्ध गरिएको छ ।
उनी सुपरस्टार अमिताभ बच्चनसँग फिल्म ‘चेहरे’ मा थिइन् । फिल्मको शुटिंग पनि भएको छ । तर फिल्मको पोस्टरमा भने रियाको कुनै पनि तस्बिर देखाइएको छैन । इमरान हाशमी र क्रिस्टल डिसूजाको तस्बिर देखाइएको छ भने रिया गायब छिन् ।