माघ ११ मा बसेको मन्त्रिपरिषद् बैठकका नौ निर्णय सार्वजनिक

काठमाडौं, माघ १४ : आज मन्त्रिपरिषद् बैठकका नौवटा निर्णय सार्वजनिक गरिएको छ  । सञ्चार तथा सूचना प्रविधिमन्त्री  पार्वत गुरुङले  माघ ११ गते आइतबार बसेको मन्त्रिपरिषद् बैठकका निर्णय सार्वजनिक गरेका हुन् ।

मन्त्रिपरिषद्ले दाङको घोराही उपमहानगरपालिका वडा–४ र ५ मा पर्ने ५४९ बिघा जग्गालाई दाङ औद्योगिक क्षेत्र घोषणा गर्ने निर्णय गरेकाे हाे ।

फेवातालको चारकिल्ला निर्धारण, सिमांकन तथा नक्सांकन समितिको संयोजकलाई  पारिश्रमिक तथा भत्ता उपलब्ध गराउने निर्णय गरेको छ ।

त्यस्तै, शताब्दी पुरुष सत्यमोहन जोशी र राष्ट्रकवि माधवप्रसाद घिमिरेको तस्बिर अंकित हुलाक टिकट प्रकाशन गर्न स्वीकृति दिने निर्णय गरेको छ ।

 Published Date: Wednesday, 27th January 2021 6:10:00 pm