सोमबार, मंसिर १५, २०७७

सुनको मूल्य तोलामा तीन सय रुपैयाँले वृद्धि

काठमाडौं, मंसिर ७ : आइतबार नेपाली बजारमा सुनको भाउ तोलामा तीन सय रुपैयाँले वृद्धि भएको छ।

मूल्य बढेसँगै छापावाल सुनको भाउ प्रति तोला ९४ हजार ३ सय रुपैयाँ पुगेको नेपाल सुनचाँदी वयवसायी महासंघले जनाएको छ।

यस्तै तेजाबी सुनको भाउ प्रतितोला ९३ हजार ८ सय रुपैयाँ तोकिएको छ। शुक्रबार छापावल सुनको मूल्य ९४ हजार तथा तेजावी सुनको भाउ ९३ हजार ५ सय रुपैयाँमा कारोबार भएको थियो।

त्यस्तै, चाँदीको भाउ भने अघिल्लो दिनको तुलनामा नबढेको महासंघले जनाएको छ। चाँदी प्रतितोला १२ सय १० रुपैयाँमा कारोबार भइरहेको छ।

 Published Date: Sunday, 22nd November 2020 12:16:00 pm