बुटवलमा भेन्टिलेटरमा उपचाररत कोरोना संक्रमितको मृत्यु
बुटवल, कात्तिक १४ : कोरोना भाइरसको संक्रमणबाट बुटवलमा आज बिहान थप एक जनाको मृत्यु भएको छ।बुटवल उपमहानगरपालिका–८का ५५ वर्षीय पुरुषको आज बिहान मृत्यु...बुटवल, कात्तिक १४ : कोरोना भाइरसको संक्रमणबाट बुटवलमा आज बिहान थप एक जनाको मृत्यु भएको छ।
बुटवल उपमहानगरपालिका–८का ५५ वर्षीय पुरुषको आज बिहान मृत्यु भएको हो। बुटवल धागो कारखानामा सञ्चालित कोरोना विशेष अस्थायी अस्पतालमा उपचारका क्रममा मृत्यु भएको जनाएको छ।
उनलाई कात्तिक १ गते कोरोना संक्रमण पुष्टि भएको थियो। स्वास्थ्यमा समस्या भएपछि त्यहि दिन अस्पताल भर्ना गरिएको थियो।
उनलाई आईसीयूमा राखेर उपचार थालिएको थियो। स्वास्थ्य अवस्था बिग्रिदै गएपछि भेन्टिलेटरमा राखिएको थियो। आज बिहान ७ बजे उपचारका क्रममै मृत्यु भएको अस्पतालका प्रवक्ता डा. विष्णु गौतमले बताए।
प्रवक्ता डा. गौतमका अनुसार उनी उच्च रक्तचाप, मधुमेह र फोक्सोसम्बन्धी रोगबाट पीडित थिए। जसले गर्दा कोरोना संक्रमणबाट बचाउन नसकिएको डा. गौतमले बताए।
प्रकाशित मिति: १६:५० बजे, शुक्रबार, कात्तिक १४, २०७७
प्रतिक्रिया दिनुहोस्
थप समाचार
‘धुञ्चे गोसाइँकुण्ड केबुलकार निर्माण गर्न सहयोग हुन्छ’शुक्रबार, वैशाख ७, २०८१
धरौटी नबुझाएपछि दिपेश पुन जेल चलानशुक्रबार, वैशाख ७, २०८१
नेशनल पेमेन्ट गेटवे भ्रष्टाचार प्रकरणमा पौडेल दोषी ठहरशुक्रबार, वैशाख ७, २०८१
पूर्वउपराष्ट्रपति पुनका छोरा दिपेशसहित ६ जनालाई धरौटीमा छाड्न आदेशशुक्रबार, वैशाख ७, २०८१