आईतबार, मंसिर १४, २०७७

ट्रकसँग मोटरसाइकल ठोक्किँदा एकको मृत्यु

धनगढी, कात्तिक ११ : ट्रकसँग मोटरसाइकल ठोक्किँदा धनगढीमा एक युवकको मृत्यु भएको छ।

गएराति साढे ११ बजेतिर धनगढी–अत्तरिया सडकखण्डको बोराडाँडीमा रोकिएको ट्रकमा मोटरसाइकल ठोक्किएको जिल्ला प्रहरी कार्यालयले जनाएको छ। दुर्घटनामा घाइते मोटरसाइकल चालकको सेती प्रादेशिक अस्पतालमा उपचारको क्रममा मृत्यु भएको प्रहरीले जनाएको छ।

गएराति से १ प ८७६१ को नम्बरको मोटरसाइकल रोकिएर राखेको से १ त ६१७ नम्बरको ट्रकमा ठोक्किँएको थियो। दुर्घटनामा मोटरसाइकल चालक घाइते भएका थिए।

घाइते मोटरसाइकल चालकको उपचारका क्रममा मृत्यु भएको छ। मृतकको पहिचान खुल्न सकेको छैन। उनका आफन्तजनको खोजी भइरहेको प्रहरीले जनाएको छ।

 

 Published Date: Tuesday, 27th October 2020 10:02:00 am