मंगलबार, मंसिर ९, २०७७

नेप्सेमा दोहोरो अंकको वृद्धि

काठमाडौं, कात्तिक ४ : धितोपत्र बजारमा आज शेयर कारोबार मापक नेप्से परिसूचक आज दोहोरो अंकले बढेको छ। नेपाल स्टक एक्सचेञ्जका अनुसार नेप्सेमा १३.२२ बिन्दुले बढेर एक हजार ५८३.६० मा पुगेको छ। यस्तै सेन्सेटिभ परिसूचक २.६५ बिन्दुले वृद्धि भई ३१३.५५ मा पुगेको छ। आज कूल १९३ कम्पनीका ५० लाख २४ हजार ५० कित्ता शेयर एक अर्ब २७ करोड १८ लाख २९ हजार ९९० रुपैयाँ मूल्यमा खरिद बिक्री भए।

कारोबार भएका आज १२ वटै उपसमूहको शेयर बिक्री भएको छ। बैंकिङ ७.७४, व्यापार २.९६, होटल १९.७, विकास बैंक २२.१९, जलविद्युुत् २७.७२, वित्त ८।.६, निर्जीबन बीमा ५५.७६, उत्पादन २५.३६, अन्य ११.४, लघुवित्त १६.४४, जीवन बीमा ७८.१२ र सामूहिक लगानी कोष ०।.११ बिन्दुले उकालो लागेको छ।

कारोबारका आधारमा आज अरुण काबेली पावर कम्पनी शीर्ष स्थानमा रहेको छ। सो कम्पनीको नौ करोड एक लाख एक हजार ५८० रुपैयाँ बराबरको कारोबार भयो। यस्तै अपि पावर कम्पनी सात करोड ७४ लाख ८४ हजार ७४५ रुपैयाँ, एचआइडिसीएल ६ करोड दुई लाख दुई हजार ३४७ रुपैयाँ, नागरिक लगानी कोष चार करोड एक लाख ७७ हजार २०२ रुपैयाँ, हिमाल दोलखा हाइड्रोपावर तीन करोड ४३ लाख १५ हजार ४६१ रुपैयाँ, शिखर इन्स्योरेन्स कम्पनी दुई करोड ७९ लाख ८५ हजार २४० रुपैयाँ र कुमारी बैंकको दुई करोड ६८ लाख १४ हजार ६९२ रुपैयाँ बराबरको कारोबार भई शीर्ष स्थानमा रहे।

कारोबारका आधारमा जनरल इन्स्योरेन्स ९.९१, माउण्टेन हाइड्रो ९.६६, हिमाल दोलखा हाइड्रोपावर ९.६०, जोशी हाइड्रोपावर ९.४०, घलेम्दी हाइड्रो ८.८७, अपि पावर कम्पनी ७.३२ र ङादी पावरका लगानीकर्ताले ७.२५ प्रतिशतले कमाए। यस्तै, नेपाल फाइनान्स १.८६, रिलायन्स फाइनान्स १.६४, मुक्तिनाथ विकास बैंक १.६२, एनआइसी एशिया समृद्धि फण्ड १.२२, घोडीघोडा लघुवित्त १.०१ र सूर्योदय लघुवित्तका लगानीकर्ताले ०.६ प्रतिशतले गुमाए।

 Published Date: Tuesday, 20th October 2020 5:16:00 pm