आईतबार, कात्तिक ९, २०७७
काठमाडौं, भदौ २२ : मुम्बईमा असुरक्षित महसुस गरेको भन्दै विवादमा आएकी बलिउड अभिनेत्री कंगाना रनौटलाई 'वाई' श्रेणीको सुरक्षा प्रदान गरिएको छ।
मुम्बईलाई पाकिस्तान शासित कश्मीरसँग तुलना गरेपछि उनी विवादमा आएकी थिइन्। यो विवादित भनाइले गर्दा उनलाई धम्की पनि आएको थियो।
यसैलाई ध्यानमा राखेर उनका बुवाले हिमाचल प्रदेश सरकारसँग सुरक्षा माग गरि निवेदन दिएका थिए। त्यसकै आधारमा उनलाई वाई श्रेणीको सुरक्षा प्रदान गरिएको भारतीय मिडियाले जनाएको छ।
हिमाचलका मुख्यमन्त्री जयराम ठाकुरले उनलाई सुरक्षाको व्यवस्था गरिएको जनाएका छन्। हिमाचलमा पूर्ण सुरक्षा दिइने र बाहिर जाँदा पनि कसरी सुरक्षा दिनसकिन्छ भन्ने विषयमा छलफल भइरहेको जनाएका छन्।
कंगनाले पनि भारतीय गृहमन्त्री अमित शाहलाई ट्वीटरमा मेन्सन गर्दै सुरक्षा व्यवस्था गरेकोमा धन्यवाद दिएकी छन्।
भारतमा 'वाई' श्रेणी सुरक्षा भीआईपीलाई दिने गरिन्छ। यसमा ११ सुरक्षाकर्मीको व्यवस्था गरिएको हुन्छ। जसमा एक वा दुई जना कमाण्डो र दुई जना पीएसओ सामेल हुन्छन्।
ये प्रमाण है की अब किसी देशभक्त आवाज़ को कोई फ़ासीवादी नहीं कुचल सकेगा,मैं @AmitShah जी की आभारी हूँ वो चाहते तो हालातों के चलते मुझे कुछ दिन बाद मुंबई जाने की सलाह देते मगर उन्होंने भारत की एक बेटी के वचनों का मान रखा, हमारे स्वाभिमान और आत्मसम्मान की लाज रखी, जय हिंद ? https://t.co/VSbZMG66LT
— Kangana Ranaut (@KanganaTeam) September 7, 2020
