काठमाडौं, फागुन २५ : बलिउड अभिनेत्री मनिषा कोइराला छिट्टै नेटफ्लिक्समा देखिने भएकी छन्। उनको फिल्म ‘मस्का’मा नेटफ्लिक्समा आउन लागेकाे हाे।

यसअघि ‘लस्ट स्टोरिज’मा काम गरेकी मनिषा ‘मस्का’मा एक पारसीकी आमा डायनाको भूमिका निभाउँदै छिन्। फिल्मबारे कुरा गर्दै मनिषाले भनेकी छन्, ‘म एक विलक्षण पारसी महिलाको भूमिकामा खेल्दै छु। जसको छोरा अफ ट्रयाक गएको हुन्छ।’

उनले यसमा आफूले सक्दो मेहनत गर्ने बताएकी छन्। ‘म पारसी संस्कृतिको जरा र विरासत संरक्षण गर्न कोशिस गर्दै छु,’ मनिषाले भनेकी छन्, ‘मेरो चरित्र उनको इरानी क्याफे र रेस्टुरेन्टहरू संरक्षण गर्न चाहन्छ। किनकि, उनी आफ्नो पतिको विरासतलाई नास हुनदिन चाहन्न्।’

यस फिल्मा मनिषासँगै प्रित कमानी, शर्ली सेतिया र निकिता दत्तलगायतका कलाकारहरुको मूख्य भूमिका रहेको छ।