एनएसएलमा पोखरा थन्डर्स र काठमाडौं रेजर्स भीड्दै

काठमाडौं, मंसिर २५ : काठमाडौंमा जारी नेपाल सुपर लिग (एनएसएल)मा आज पोखरा थन्डर्स र काठमाडौं रेजर्सबीच प्रतिस्पर्धा हुँदैछ।

खेल त्रिपुरेश्वरस्थित दशरथ रंगशालामा साँझ ५ बजे सुरु हुनेछ।

लिगमा अपराजित रहेको पोखराको नजर शीर्ष स्थानमा छ। ऊ आजको खेलमा जित निकाल्दै शीर्ष स्थानमा पुग्न चाहन्छ। यता, काठमाडौं पनि जित निकाल्दै शीर्ष चारमा फर्कन चाहन्छ।

चार खेलमा दुई जित र दुई बराबरी खेल्दै ८ अंक जोडेको पोखरा तेस्रो स्थानमा छ भने काठमाडौं भने चार खेलमा १ जित र २ बराबरीसहित ५ अंक जोड्दै पाँचौ स्थानमा छ।