ओरालो गाग्दै सुनको मूल्य, बुधबार ८ सय घट्यो

काठमाडौं, मंसिर २० : पछिल्लो एक साता निरन्तर उकालो लागेको सुनको मूल्य हिजो र आज भने भारी मात्रामा घटेको छ।

मंगलबार २४ सय रुपैयाँ गिरावट आएको सुनको मूल्य बुधबार ८ सय रुपयाँ घटेको नेपाल सुनचाँदी व्यवसायी महासंघले जनाएको छ। सोमवार सुनको मूल्य अहिलेसम्मकै उच्च प्रतितोलाको १ लाख २१ हजार ६ सय रुपैयाँ पुगेको थियो।

बुधबार सुनको १ लाख १८ हजार ४ सय रुपैयाँमा कायम भएको महासंघले जनाएको छ।

आज चाँदीको भाउ पनि घटेको छ । हिजो तोलामा ४५ ले घटेर १ हजार ५ सयमा झरेको चाँदी आज २० रुपैयाँले घटेर १ हजार चार सय ८० रुपैयाँमा कारोबार भइरहेको महासंघले जनाएको छ ।