आज पनि घट्यो नेप्से
ठूला कम्पनीको कारोबार मापक सेन्सेटिभ परिसूचक दुई दशमलब १९ अंकले ओरालो लागेर तीन सय ५७ दशमलब ७६ मा सीमित भएको छ।
काठमाडौं, कात्तिक १६ : धितोपत्र बजारमा शेयर कारोबार मापक नेप्से परिसूचक आज पनि ओरालो लागेको छ। नेपाल स्टक एक्सचेञ्जका अनुसार नेप्से परिसूचक १० दशमलब ८६ अंकले घटेर एक हजार आठ सय ४७ दशमलब ७० मा सीमित भएको छ।
ठूला कम्पनीको कारोबार मापक सेन्सेटिभ परिसूचक दुई दशमलब १९ अंकले ओरालो लागेर तीन सय ५७ दशमलब ७६ मा सीमित भएको छ। कारोबार भएका कूल १३ उपसमूहमध्ये दुई उपसमूहको शेयर मूल्य उकालो लाग्दा ११ उपसमूहको शेयर मूल्यमा भने गिरावट आएको छ।
कूल ३७ लाख ४९ हजार नौ सय ५४ कित्ता शेयर ९६ करोड ४४ लाख ७७ हजार सात सय ११ मूल्यमा कारोबार भयो। कारोबारका आधारमा आशा लघुवित्त शीर्ष स्थानमा छ। सो कम्पनीको रु १० करोड १० लाख बराबरको कारोबार भयो।
यस्तै, प्राइम बैंक छ करोड ४५ लाख ५२ हजार पाँच सय ५१, सोनापुर मिनरल्स चार करोड ४९ लाख ६८ हजार नौ सय सात, सोल्टी होटल दुई करोड ७९ लाख ८१ हजार सात सय ६४ र हाथवे इन्भेस्टमेन्टको दुई करोड ६४ लाख ३१ हजार रुपैयाँ बराबरको कारोबार भई शीर्ष पाँचमा पर्न सफल भयो।
नेप्सेका अनुसार, चन्द्रागिरि हिल्स छ दशमलब शून्य चार, हिमालयन लघुवित्त पाँच, एनआइबिएल प्रगति फण्ड चार दशमलब ९६, सोल्टी होटल चार दशमलब ७७ र एनआइसी एशिया ग्रोथ फण्डका लगानीकर्ताले चार दशमलब ७२ प्रतिशतले कमाएका छन्।
यस्तै, सयपत्री हाइड्रो पावर १०, रावा इनर्जी सात दशमलब ४६, बुद्धभूमि नेपाल हाइड्रोपावर पाँच दशमलब ९१, सामलिङ पावर चार दशमलब ८२ र सुपर मादी हाइड्रोपावरका लगानीकर्ताले चार दशमलब ७३ प्रतिशतले गुमाएका छन्।
