नायब सुब्बा कटुवाल र खरिदार अधिकारी घुससहित पक्राउ

काठमाडौं, असोज १२ : अख्तियार दुरुपयोग अनुसन्धान आयोगले भूमिसुधार तथा मालपोत कार्यालय सुनसरीमा कार्यरत नायब सुब्बा सुदिप कटुवाल र खरिदार रमेश अधिकारीलाई डेढ लाख रुपियाँ घुस रकमसहित रंगेहात पक्राउ गरेको छ।

अख्तियार कार्यालय इटहरीबाट खटिएको टोलीले नायब सुब्बा कटुवाल र खरिदार अधिकारीलाई इनरुवा नगरपालिका वडा नं. ३ मालपोत चोकबाट पक्राउ गरेको हो।

सेवाग्राहीसँग रकम लिइसकेको अवस्थामा पक्राउ गरिएको अख्तियारले जनाएको छ। जग्गा नामसारी गरेवापत सेवाग्राहीसँग उक्त घुस रकम लिइएको थियो। उनीहरुमाथि हिरासतमा राखेर छानबिन भइरहेको छ ।