बाजुरामा काठे पुल भाँचिँदा युवक बेपत्ता

धनगढी, भदौ ७ : बाजुराको घोडाकोट खोलाको काठे पुल भाँचिदा एक युवक बेपत्ता भएका छन्।

बेपत्ता हुनेमा बाजुराको बुढीनन्दा नगरपालिका-३ लौठारुखका २७ वर्षीय गंग लुहार रहेको प्रहरीले जनाएको छ।

भैंसी र पाडो तार्ने क्रममा अचानक काठेपुल भाँचिएपछि उनी खोलामा खसेका प्रहरीको भनाइ छ। उनीसँगै भैंसी र पाडो पनि पुलबाट खसकोे बताइएको छ। बेपत्ता युवकको खोजी भइरहेको छ।