काँग्रेस नेता गम्भीरजंग कार्कीको निधन

काठमाडौँ, माघ १२ : पाल्पाका पूर्व सांसद तथा नेपाली काँग्रेसका पूर्व जिल्ला सभापति गम्भीरजंग कार्कीको निधन भएको छ ।

मृगौला फेल भएकाले लामो समयदेखि डायलायसिस गर्दै आएका कार्कीको गएराती अचानक काठमाडौंको ग्राण्डी अस्पतालमा निधन भएको हो ।  उनी २०४८ सालमा पाल्पा क्षेत्र नं. २ बाट प्रतिनिधि सभा सदस्यमा निर्वाचित भएका थिए भने २०५१ देखि २०५६ सालसम्म काँग्रेस पाल्पाको जिल्ला सभापति भएका थिए ।

त्यस अघि उनी राष्ट्रिय पंचायत सदस्यमा समेत निर्वाचित भएका थिए ।  सरल, सक्रिय र सवैसँग सहजै घुलमिल हुनसक्ने स्वभावका कार्की पाल्पामा सर्वप्रिय नेताका रुपमा चिनिन्थे ।