सप्तरीमा मदिरा पसलमा आगलागी
पसलमा आगो लाग्दा करिब ८० लाख रुपैयाँ बराबरको क्षति भएको सञ्चालक सञ्चालक मुकेशकुमार साहले बताए।
सप्तरी, मंसिर २५ : सप्तरीको डाक्नेश्वरी नगरपालिका–७ अमरलत्तीचौकमा आज साँझ आगलागी भएको छ।
ऊँशान्ति ट्रेडर्स मदिरा पसलमा विद्युत्को तार सर्ट भई पसलमा आगो लागेको हो । पसलमा आगो लाग्दा करिब ८० लाख रुपैयाँ बराबरको क्षति भएको सञ्चालक सञ्चालक मुकेशकुमार साहले बताए।
साहका अनुसार चारवटा रेफ्रिजेरेटर फ्रिज, दुई थान मोबाइल, दुई थान ल्यापटप, एउटा टेलिभिजन, ग्यास चुलो, कुलर, पङ्खा, हिटर, फर्निचर, नगद १० लाखका साथै ३५ लाख बराबरको मदिरा जलेर नष्ट भएको छ ।
राजविराज नगरपालिकाबाट गएको वारुणयन्त्र, सशस्त्र प्रहरी, नेपाल प्रहरी र स्थानीयवासीको सहयोगमा आगो नियन्त्रणमा लिएको प्रहरीले जनाएको छ । आगोलाई नियन्त्रणमा लिन दुई घण्टा लागेकाले पसल भित्रको सबै समान नस्ट भएका छन्।
प्रकाशित मिति: २१:०० बजे, आइतबार, मंसिर २५, २०७९
प्रतिक्रिया दिनुहोस्
थप समाचार
