सिंगटी हाइड्रोपावरको सेयरमा आवेदन दिने म्याद थप 

काठमाडौं, माघ १९ : दोलखाको कालिञ्चोक र विगु गाउँपालिकामा निर्माण भइरहेको सिंगटी हाइड्रो पावरले  स्थानीयलाई जारी गरेको सेयरमा आवदेन दिने समयावधि थप गरेको छ ।     
     
सिंगटीले सेयर भर्न धेरै जना छुटेको भन्दै कम्पनीले आइतबारदेखि १५ दिनसम्म म्याद थप गरेको छ ।  प्रभावित क्षेत्र कालिन्चोक गाउँपालिका र विगु गाउँपालिकाका नागरिकले आगामी फागुन २ गतेसम्म सेयर आवेदन गर्न समय थप गरेको कम्पनीले जनाएको छ ।

प्रतिसाधारण सेयर  १०० अङ्कित दरका १४ लाख ५० हजार कित्ता सेयर कम्पनीले निष्कासन गरेको थियो । स्थानीयवासीले न्यूनतम १० कित्तादेखि दुई लाख कित्तासम्म आवेदन गर्न सक्ने कम्पनीले जनाएको छ ।