नेपालमा कोरोना संक्रमणबाट मृत्यु हुनेको संख्या १६ सय नाघ्यो

काठमाडौं,  मंसिर २२ : कोरोना भाइरसको संक्रमणबाट नेपालमा थप २० जनाको मृत्यु भएको छ। 

पछिल्लो २४ घण्टामा देशभर कोरोना संक्रमणबाट थप २० जनाको मृत्यु भएको स्वास्थ्य तथा जनसंख्या मन्त्रालयले जनाएको छ। योसँगै कोरोना संक्रमणबाट अहिलेसम्म मृत्यु हुनेको संख्या १६१४ पुगेको छ। 

यस्तै,  सोमबार नेपालमा थप १०१४  जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

योसँगै कोरोना संक्रमितको संख्या २ लाख ४१ हजार ९९५ पुगेको छ भने अहिलेसम्म २ लाख २७ हजार ४३३ जना संक्रमणमुक्त भएका छन्।

स्वास्थ्य मन्त्रालयका अनुसार सोमबार १६१४ जना कोरोनालाई जितेर अस्पतालबाट डिस्चार्ज भएका छन्।