पछिल्लो २४ घण्टामा ५ सय संक्रमितले ज्यान गुमाए

काठमाडौ, मंसिर १७ : भारतमा पछिल्लो २४ घण्टामा ५ सय संक्रमितले ज्यान गुमाएको वल्डो मिटर्सले जनाएको छ ।

सोही अवधिमा ३४ हजार ४५६ जना कोरोना संक्रमित थपिएका छन्। भारतमा कुल संक्रमित संख्या ९४ लाख ९९ हजार ७१० पुगेको छ।

तीमध्ये हालसम्म एक लाख ३८ हजार १५९ जनाले कोरोनाका कारण ज्यान गुमाएका छन्। भारतमा ८९ लाख ३१ हजार ७९८ जना संक्रमणमुक्त भएका छन्।

अहिले भारतमा सक्रिय संक्रमित चार लाख २९ हजार ७५३ छन्। तीमध्ये आठ हजार ९४४ जना गम्भीर बिरामी छन्।