झापाका कोरोना संक्रमितको धरानमा मृत्यु

धरान, मंसिर ७ :  झापाका एक कोरोना भाइरस संक्रमितको धरानमा आज बिहान मृत्यु भएको छ।

धरानस्थित बीपी कोइराला स्वास्थ्य विज्ञान प्रतिष्ठानमा उपचाररत झापाको मेचीनगरस्थित बाहुनडगी–४ का ४५ वर्षीय पुरुष मृत्यु भएको हो।

उनलाई मंसिर १ मा कोरोना भाइरसको संक्रमण देखिएको थियो। स्वास्थ्यमा समस्या आएपछि मंसिर ३ गते प्रतिष्ठानको कोभिड अस्पतालमा भर्ना गरिएको थियो।

उनको उपचारका क्रममा आज बिहान १ बजे मृत्यु भएको अस्पतालले जनाएको छ। उनलाई ज्वरोसँगै श्वासप्रश्वासमा समस्या देखिएको थियो।