काठमाडौं उपत्यकामा थपिए ११०७ जना कोरोना संक्रमित

काठमाडौं,  मंसिर ५ : काठमाडौं उपत्यकामा थप ११०७ जनामा कोरोना भाइरसको संक्रमण पुष्टि भएको छ। 

शुक्रबार गरिएको परीक्षणमा काठमाडौंमा उपत्यकामा थप ११०७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार काठमाडौंमा ८६२, भक्तपुरमा ७१ र ललितपुरमा १७४ जना नयाँ कोरोना संक्रमित थपिएका छन्।

यस्तै, शुक्रबार नेपालमा थप १९४५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

योसँगै कोरोना संक्रमितको संख्या २ लाख १६ हजार ९६५  पुगेको छ भने अहिलेसम्म १ लाख ९१ हजार दुई जना संक्रमणमुक्त भएका छन्।

यस्तै, पछिल्लो २४ घण्टामा कोरोना संक्रमणबाट १७ जनाको मृत्यु भएको छ। योसँगै कोरोना संक्रमणबाट अहिलेसम्म मृत्यु हुनेको संख्या १२७६ पुगेको छ। 

स्वास्थ्य मन्त्रालयका अनुसार शुक्रबारमात्रै ५३६४ जना कोरोनालाई जितेर अस्पतालबाट डिस्चार्ज भएका छन्।