दिल्लीलाई हराउँदै मुम्बईले जित्यो पाँचौ पटक आईपीएल क्रिकेटको उपाधि

दिल्ली क्यापिटल्सलाई हराउँदै मुम्बई इन्डियन्सले आईपीएल क्रिकेटको उपाधि उचालेको छ।

काठमाडौं, कात्तिक २५ : दिल्ली क्यापिटल्सलाई हराउँदै मुम्बई इन्डियन्सले १३ औं संस्करणको इन्डियन प्रिमियर लिग (आईपीएल) क्रिकेटको उपाधि उचालेको छ।

मंगलबार युएईमा भएको फाइनलमा दिल्ली क्यापिटल्सलाई ५ विकेटले हराउँदै मुम्बईले १३ ओँ संस्करणको आईपीएल क्रिकेटको उपाधि उचालेको हो। योसँगै मुम्बईले सर्वाधिक पाँच पटक आईपीएल क्रिकेटको उपाधि उचाल्न सफल भएको छ।

मुम्बईले यसअघि सन् २०१३, २०१५, २०१७ र २०१९ मा आईपीएलको उपाधि जितेको थियो।

टस जितेर पहिले ब्याटिङ गरेको दिल्लीले दिएको १५७ रनको विजयी लक्ष्य मुम्बईले १८ दशमलब ४ ओभरमा पाँच विकेट गुमाएर भेट्टाएको हो।

मुम्बईका लागि कप्तान रोहित शर्माले ५१ बलको सामना गर्दै चार छक्का र पाँच चौकार प्रहार गर्दै सर्वाधिक ६८ रन जोडे।

यस्तै, इशान किसन ३३ र कुर्नाल पाण्डे १ रनमा अविजित रहँदा क्युन्टन डीले २०, सूर्यकुमार यादवले १९, किरोन पोलार्डले ९ र हार्दिक पाण्डेयले ३ रन जोडे।

दिल्लीका लागि एनरिच नोकिआले दुई, कागिसो राबाडा र मार्कस स्टोनिसले समान एक–एक विकेट लिएका थिए।

यसअघि टस जितेर पहिले ब्याटिङ गरेको दिल्लीले पुरै २० ओभर खेल्दै ७ विकेटको क्षतिमा १५६ रनको योगफल तयार पारेको थियो। उसका लागि कप्तान सिरिष एैर ६्र५ रनमा अविजित रहे। यस्तै, ऋषव पन्तले ५६ र शिखर धवनले १५ रन जोडेका जोड्दा बाँकी व्याट्सम्यानले दोहोरो अंक छुन सकेनन्।

मुम्बईका लागि ट्रेन्ट बाउल्टले सर्वाधिक तीन, नाथन नायलले दुई र जयन्त यादवले एक विकेट लिएका थिए।

उपाधि विजेता मुम्बई २० करोड रुपैयाँ भारु प्राप्त गर्दा दिल्लीले साढे १२ करोड रुपैयाँमा चित्त बुझायो । व्यक्तिगत विधामा उत्कृष्ट खेलाडीले १० लाख रुपैयाँ प्राप्त गरे ।