कोरोना संक्रमणबाट बाँकेमा अहिलेसम्म ६३ जनाको मृत्यु

राँझा, कात्तिक २२ : बाँकेमा कोरोना भाइरस संक्रमणबाट अहिलेसम्म ६३ जना बिरामीको मृत्यु भएको छ।

बाँकेमा बसोबास गर्ने ३५ र बाहिरी जिल्लाबाट उपचारका लागि आएका २८ गरी ६३ जनाको मृत्यु भएको जिल्ला स्वास्थ्य कार्यालयले जनाएको छ। 

कार्यालयका कोरोना स्रोतव्यक्ति नरेश श्रेष्ठका अनुसार लुम्बिनी प्रदेशका साथै कर्णाली र सुदूरपश्चिम प्रदेशका संक्रमित बिरामीसमेत उपचारका लागि शिक्षण अस्पताल कोहलपुर र नेपालगञ्जस्थित भेरी अस्पतालमा भर्ना  हुने गरेकाले मृतकको संख्या बढ्दो छ।