मंसिर २ गतेपछि खुल्ला मञ्चलगायत सार्वजनिक स्थलमा निःशुल्क खाना वितरण बन्द

काठमाडौं, कात्तिक २१ : मंसिर २ गतेदेखि खुल्ला मञ्चलगायत सार्वजनिक ठाउँमा निःशुल्क खाना खुवाउने अभियान बन्द हुने भएको छ।

काठमाडौं महानगरपालिका र निःशुल्क खाना खुवाउँदै आएका अभियान्ताबीच शुक्रबार तिहारको भाइटिकाको भोलिपल्टदेखि सार्वजनिक स्थलमा खाना नखुवाउने सहमति भएको हो।

खुलामञ्चमा खाना खुवाउँदा संक्रमण झन् बढ्न सक्ने, स्वास्थ्यवर्द्धक वातावरण कायम नहुने र सामाजिक प्रतिष्ठा कायम नहुने भन्दै दुबै पक्षबीच सहमती भएको हो। 

अभियान्ताहरुले आगामी दिनमा निःशुल्क खाना खुवाउनको लागि वैकल्पिक स्थानको खोजी गर्न स्थानीय पालिकाहरुसँग समन्वय गर्ने भएका छन्।