बीपी प्रतिष्ठान धरामा ५० बर्षिय कोरोना संक्रमितको निधन

काठमाडौं, कात्तिक ११ : धरानस्थित बीपी कोइराला स्वास्थ्य विज्ञान प्रतिष्ठानमा एक जना कोरोना संक्रमितको निधन भएको छ ।

धरान घर भएका ५० वर्षीय पुरुषको गएराति १२ बजेर ५५ मिनेटमा कोरोनाकै कारण निधन भएको हो । प्रतिष्ठानका अनुसार ती पुरुषमा पहिलेदेखि नै उच्च रक्तचाप र डायबिटिजको समस्या थियो ।

गत कात्तिक १ गते उनमा कोरोना संक्रमण देखिएको थियो । उनी कात्तिक ८ गते बीपी कोइराला स्वास्थ्य विज्ञान प्रतिष्ठानको कोभिड अस्पतालमा भर्ना भएका थिए ।