चितवनमा थप ५५ जनालाई कोरोना पुष्टि 

काठमाडौं, असोज ३० : चितवनमा थप ५५ जनामा कोरोना भाइरसको संक्रमण पुष्टि भएको छ ।

भरतपुर अस्पताल कोभिड १९ प्रयोगशालामा परिक्षण गरिएका ३०५ नमुनामध्ये ५५ जनाको रिर्पोट पोजेटिभ आएको अस्पतालले जनाएको छ ।

संक्रमितमध्ये ५१ जना चितवनका रहेका छन् भने पाल्पाको तानसेनका २ जना, रामपुरका १ जना र रुपन्देहीको सियारीका १ जना रहेका छन् ।

चितवनका ५१ संक्रमितमध्ये भरतपुर महानगरका १७, राप्ती नगरपालिकाका २०, खैरहनी नगरपालिकाका ८, कालिका नगरपालिकाका  ५ र रत्ननगर नगरपालिकाका १ जना रहेको भरतपुर अस्पताल कोभिड १९ प्रयोगशालाले जनाएको छ ।

संक्रमित सबैको असोज २८ गते नमुना संकलन गरिएको थियो ।