लुम्बिनी प्रदेश लेखा समितिका सभापति चौधरीलाई कोरोना संक्रमण पुष्टि

काठमाडौं, असोज २७ : लुम्बिनी प्रदेशका लेखा समितिका सभापतिलाई कोरोना संक्रमण पुष्टि भएको छ। बाँकेस्थित भेरी अस्पतालमा गरिएको परीक्षणमा सभापति डिल्लीबहादुर चौधरीलाई संक्रमण पुष्टि भएको हो।

निमिनिया र सुगरको समस्या देखिएपछि उनी दुई दिन अघि भेरी अस्पताल भर्ना भएका थिए।

आइसियूमा भर्ना भएका चौधरीको स्वास्थ्यमा क्रमिक सुधार आएको अस्पतालले जनाएको छ। 

चौधरीका चालक र सुरक्षाकर्मीलाई पनि केही दिन अघि संक्रमण पुष्टि भएको थियो।

यसअघि लुम्बिनी प्रदेशका सभामुख पूर्णबहादुर घर्ती, काननुमन्त्री कुलबहादुर केसीलगायतलाई संक्रमण पुष्टि भइसकेको छ।