गण्डकी प्रदेशमा थपिए ३१ जना कोरोना संक्रमित

पोखरा, असोज २४ : गण्डकी प्रदेशमा थप ३१ जनामा कोरोना संक्रमण  पुष्टि भएको छ। 

शनिबार गरिएको परीक्षणमा गण्डकी प्रदेशमा थप ३१ जनामा कोरोना संक्रमण पुष्टि भएको हो।

नयाँ थपिएका संक्रमितहरुमा बाग्लुङका ११, कास्कीका १०, तनहुँका ६, गोरखाका तीन र तनहुँका एक जना रहेको  प्रदेश स्वास्थ्य निर्देशनालयका निर्देशक डा. विनोदविन्दु शर्माले जानकारी दिए। 

योसँगै गण्डकी प्रदेशमा कोरोना संक्रमितको संख्या चार हजार ६४८ पुगेको छ।