सप्तरीमा कोरोना संक्रमणबाट थप एक जनाको मृत्यु

राजविराज, असोज २३ : सप्तरीमा कोरोना संक्रमणबाट थप एक जनाको मृत्यु भएको छ।  

रुपनी गाउँपालिका–१ का ३३ वर्षीय पुरुषको उपचारका क्रममा काठमाडौंमा मृत्यु भएको रुपनीका स्वास्थ्य संयोजक रामनारायण यादवले जानकारी दिए। 

वीपी कोइराला स्वास्थ्य विज्ञान प्रतिष्ठान धरानमा रिपोर्ट नेगेटिभ आएका उनको काठमाडौंमा कोरोना पोजिटिभ देखिएको रुपनी–१ का सन्तोष यादवले जानकारी दिए।

काठमाडौंं मेडिकल कलेजमा ती पुरुषको उपचारकै क्रममा मृत्यु भएको हो। योसँगै सप्तरीमा कोरोना संक्रमणबाट मृत्यु हुनेको संख्या २० पुगेको छ।