चितवनमा गरिएको परीक्षणमा ६६ जनामा कोरोना पोजेटिभ 

काठमाडौं, असोज १९ : चितवनमा थप ६६ जनामा कोरोना भाइरसको रिर्पोट पोजेटिभ आएको छ ।

चितवन मेडिकल कलेज भरतपुरको प्रयोगशालामा गरिएको परीक्षणमा ६६ जनामा कोरोना संक्रमण पुष्टि भएको हो । हिजो गरिएको १८७ परीक्षणमध्ये ६६ जनामा रिर्पोट पोजेटिभ आएको चितवन मेडिकल कलेजका डा. नविन कुमार चौधरीले जानकारी दिए । 

प्रयोगशालाले आज विहान सार्वजनिक गरेको विवरण अनुसार संक्रमितमध्ये सबैभन्दा धेरै चितवनकै ४७ जना रहेका छन्। नवलपुरका १२, मकवानपुरका ३, बारा, पर्सा, रुपन्देही र तनहुँका एक एक जनामा संक्रमण पुष्टि भएको प्रयोगशालाले जनाएको छ।