पछिल्लो २४ घण्टामा कोरोनाबाट काठमाडौं उपत्यकामा पाँच जनाको मृत्यु

काठमाडौं, असोज १६ : कोरोना भाइरसको संक्रमणबाट काठमाडौं उपत्यकामा थप पाँच जनाको मृत्यु भएको छ। 

कोरोना संक्रमणबाट पछिल्लो २४ घण्टामा काठमाडौंमा तीन महिला र दुई पुरुष गरी पाँच जनाको मृत्यु भएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार मृत्यु हुनेमा काठमाडौंकी ६७ वर्षीया महिला, भक्तपुरका ५१ र ६१ वर्षीया महिला तथा ललितपुरका ३२ र ७० वर्षीय पुरुष रहेका छन्।

योसँगै कोरोना भाइरसको संक्रमणबाट नेपालमा अहिलेसम्म मृत्यु हुनेको संख्या ५२० पुगेको छ।