तोलामै तीन हजार रुपैयाँले बढ्यो सुनको मूल्य

काठमाडौं, जेठ २ : नेपाली बजारमा आज सुनको मूल्य तोलामा ३ हजार रुपैयाँ वृद्धि भएको छ। बिहीबार प्रतितोला ३५ सय रुपैयाँ मूल्य घटेको थियो।

नेपाल सुनचाँदी व्यवसायी महासंघका अनुसार शुक्रबार छापावाल सुन तोलामा १ लाख ८४ हजार ८ सय रुपैयाँ कायम भएको हो। 

बिहीबार छापावाल सुन तोलामा १ लाख ८१ हजार ८ सय रुपैयाँ कारोबार भएको थियो। 

यसैबीच आज चाँदीको मूल्य पनि बढेको छ। बिहीबार १ हजार ९२५ रुपैयाँ कायम भएको चाँदीको मूल्य शुक्रबार बढेर तोलामा १ हजार ९४५ रुपैयाँ कायम भएको महासंघको भनाइ छ।