राष्ट्र बैंकका कार्यकारी निर्देशक भट्टले दिए राजीनामा
प्रधानमन्त्री केपी ओली र नेपाली कांग्रेसका सभापति शेरबहादुर देउवाबीच भट्टलाई गभर्नर बनाउने समझदारी भएको थियो।
काठमाडौं, वैशाख ५ : नेपाल राष्ट्र बैंकका कार्यकारी निर्देशक डा.गुणाकर भट्टले शुक्रबार पदबाट राजीनामा दिएका छन्।
डा. भट्ट गभर्नरको चर्चामा छन्। प्रधानमन्त्री केपी ओली र नेपाली कांग्रेसका सभापति शेरबहादुर देउवाबीच भट्टलाई गभर्नर बनाउने समझदारी भएको थियो।
सरकारले अर्थमन्त्री विष्णु पौडेलका नेतृत्वको गभर्नर सिफारिस समिति गठन गरिसकेको छ। उक्त समितिमा पूर्वगभर्नर विजयनाथ भट्टराई र अर्थविद् डा.विश्व पौडेल सदस्य छन्।
समितिले भट्टसहित तीन जनाको नाम मन्त्रीपरिषदमा पठाएपछि गभर्नर नियुक्तिका लागि निर्णय हुनेछ।
प्रकाशित मिति: १३:०४ बजे, शुक्रबार, वैशाख ५, २०८२
प्रतिक्रिया दिनुहोस्
थप समाचार
-1749966962.png)