सुनको एकै पटक ३६ सय बढ्यो, फेरि नयाँ रेकर्ड 

काठमाडौं, वैशाख ३ : नेपाली बजारमा सुनको मूल्यले नयाँ रेकर्ड कायम गरेको छ। 

नेपाल सुन चाँदी व्यवसायी महासंघका अनुसार सुनको मूल्य एकैदिन ३ हजार ६ सय रुपैयाँले बढेको छ। यो सँगै सुनको मूल्य नयाँ रेकर्ड बनाएको छ। 

बिहीबार नेपाली बजारमा सुनको मूल्य १ लाख ९० हजार ६ सय रुपैयाँमा कारोबार भइरहेको छ। बुधबार २७ सय रुपेयाँ बढेर सुनको मूल्य १ लाख ८७ हजार रुपैयाँ कायम भएको थियो।

अमेरिका र चीनबीच व्यापारिक युद्ध चर्किएसँगै अन्तर्राष्ट्रिय बजारमा सुनको मूल्यमा भारी वृद्धि भएको हो । सोही प्रभाव नेपाली बजारमा परिरहेको छ ।

त्यस्तै, बिहीबार चाँदीको मूल्यमा पनि ५ रुपैयाँले वृद्धि भएको छ। बिहीबार चाँदी तोलामा १९६० रुपैयाँ तोकिएको छ।