विमानस्थल भन्सारबाट आधा किलो सुनसहित एक जना पक्राउ

काठमाडौं, माघ ७ : त्रिभुवन अन्तर्राष्ट्रिय विमानस्थल भन्सारबाट करिब आधा किलो (४९९ ग्राम) सुनसहित एकजना पक्राउ परेका छन्।

पक्राउ पर्नेमा झापाका खगेन्द्र दर्जी रहेकाे त्रिभुवन अन्तर्राष्ट्रिय विमानस्थल भन्सार कार्यालयले जनाएकाे छ।

दोहा हुँदै काठमाडौं आएका दर्जीलाई चेकजाँचको क्रममा पक्राउ गरिएको  हाे। बरामद भएको केही सुन अर्धठोस अवस्थामा समेत रहेकाे जनाइउकाे छ।

अहिले विमानस्थल भन्सारमा सशस्त्र प्रहरीको टोली परिचालन गरिएको छ।