पाल्पामा टिपर दुर्घटना हुँदा एक जनाको मृत्यु 

काठमाडौं, पुस ६ : पाल्पामा गएराति टिपर दुर्घटना हुँदा एक जनाको ज्यान गएको छ । दुई जना घाइते भएका छन् । 

गुल्मीबाट पाल्पाका लागि छुटेको रा १ ख २४०४ नम्बरको टिपर सडकबाट खस्दा  रिब्दीकोट गाउँपालिका ३ का विष्णु ढकालको ज्यान गएको हो । 

दुर्घटनामा दाङको घोराही उपमहानगरपालिका १२ का यमराज पुन र त्रिवेणी गाउँपालिका ५ रोल्पाका हिमाल घर्ती  घाइते भएका \छन् ।  घाइते दुवै जनाको तानसेनको युनाइटेड मिसन अस्पतालमा उपचार भैरहेको प्रहरीले जनाएको छ ।