मनहरीमा जंगली हात्तीको आतंक

मनहरी (मकवानपुर), पुस २ : मकवानपुरको मनहरीमा जंगली हात्तीले आतंक मच्चाएको छ। मनहरी गाउँपालिका–८ सिम्पानीमा जंगली हात्तीले आतंक मच्चाउँदा एक घर पूर्णरूपमा क्षति भएको छ।

गए राति मनहरी–८ मा आई टल्के चेपाङको जस्ता र ढुङ्गाले बनेको एक तले घरमा आक्रमण गर्दा घर पूर्णरुपमा क्षति भएको मकवानपुरका प्रहरी प्रवक्त एवं प्रहरी नायब उपरिक्षक लक्ष्मी भण्डारीले जानकारी दिए। उनका अनुसार गए राति नै स्थानीय राम बहादुर तामाङको गोठमा हात्तीले आक्रमण गर्दा आंशिकरूपमा क्षति पुगेको छ।

हात्तीकोे आतंक पछि प्रहरी, नेपाली सेना र स्थानीयको सहयोगमा हात्तीलाई जङ्गलतर्फ धपाइएको प्रहरीले जनाएको छ। हात्तीको आक्रमणबाट मानवीय क्षति भने नभएको प्रनाउ भण्डारीले बताए।