मैत्रीपूर्ण महिला फुटबलमा नेपालले बंगलादेशलाई हरायो 

काठमाडौं, भदौ २४ : मैत्रीपूर्ण खेलमा नेपाली महिला टिम विजयी भएको छ। बिहीबार दरशथ रंगशालामा भएको मैत्रीपूर्ण खेलमा नेपालले बंगलादेशलाई २–१ ले हरायो ।

नोपलको जितमा डेब्यू खेलाडीद्वय प्रीति राई र सविता रानाले गोल गरे भने बंगलादेशका लागि थोहुरा खातुनले गोल गरेकी थिइन्। 

नेपालले १३औं मिनेटमा सुरुआती अग्रता लियो । डेब्यू खेलाडी सविताले गोल गर्दै नेपाललाई अग्रता दिलाइन् । त्यसपछि प्रीतिले २३ औं मिनेटमा नेपालको अग्रतालाई दोब्बर बनाउने काम गरिन् ।

दोस्रो हाफमा सुधारिएको खेल प्रदर्शन गरेको बंगलादेशले ८३औं मिनेटमा गोल फर्कायो । उसका थोहुरा खातुनले गोल गरेकी थिइन् । त्यसपछि गोल नहुँद नेपाल विजयी भयो। 

बंगलादेशविरुद्धको यो खेलसँगै नेपाली सिनियर महिला टिमले दशरथ रंगशालामा डेब्यू पनि गरेको छ। यही खेलमार्फत प्रीति र सवितासँगै सिर्जना सिंह र रश्मीकुमारी घिसिङले पनि नेपाली टिममा डेब्यू गरे।

नेपालले आसन्न एएफसी महिला एसियन कप छनोटको तयारीका लागि मैत्रीपूर्ण खेल खेलेको हो। दोस्रो खेल आगमी आइतबार हुने छ।